МУСТА, дуучин Б.Энхбаярыг нэгэн үеийн халхын сайхан эр Юндэнгийн дүрээр нь Монголын ард түмэн андахгүй мэдэх биз ээ. Тэгвэл дуучин маань 20 мянган хүүхдэд өвлийн өвгөн аавын бэлэг авч өгөхөөр болжээ. Учир нь тэрбээр “Хүүхэд ирээдүйн эзэд” Төрийн бус байгууллагын тэргүүнээр ажилладаг юм байна. Уг байгууллагаараа дамжуулан нийгмийн эмзэг бүлгийн хүүхдүүдэд туслах олон ажил өрнүүлдэг аж.
Энэ удаад шинэ жилийн босгон дээр Улаанбаатар паласт оддын нэгдсэн “Гала” тоглолтыг энэ сарын 11-17-н хүртэл долоо хоног хийж, олсон орлогоороо хүүхдүүдэд бэлэг өгөхөөр болжээ. Тоглолтод Ардын жүжигчин, МУГЖ зэрэг цолтой дуучид, хамтлагууд гэх мэт 30 гаруй уран бүтээлч оролцох юм байна.
www.URLAG.mn
