Монголын кино уран бүтээлчид жил болгоны "48 цаг" бэсрэг кино наадамд оролцдог бөгөөд өнгөрсөн жил “Шилдэг кино”, “Шилдэг жүжигчин”, “Шилдэг зураг авалт”-ын төрөлд тэргүүлсэн билээ. Харин энэ жилийн хувьд "Үндэс" киноны уран бүтээлчид Б.Батзаяа, Б.Бат-Эрдэнэ нар "48 цаг" кино наадамд оролцохоор АНУ-ыг зориод байсан билээ.
Тэгвэл тэд тус наадмаас олз омог дүүрэн ирсэн тухайгаа өөрийн цахим хуудсаараа дамжуулан мэдэгджээ. АНУ-н Лос Анжелес хотын TCL chinese театрт зохион байгуулагдсан тус наадамд Монголын уран бүтээлчид "Үндэс" киногоороо "Шилдэг жүжиглэлт-Хүүхэд" төрөлд шагнал хүртээд ирсэн байна. Ингээд Монголынхоо нэрийг дэлхий дахинаа дуурсгасан авъяаслаг уран бүтээлчиддээ цаашдын ажил үйлсэд нь өндөр амжилтыг хүсэн ерөөж байна.
www.Urlag.mn
