“Марко Поло” кино Монголд нээлтээ хийлээ

АНУ-ын “Netflix” компанийн бүтээл “Марко Поло” олон ангит киноны нээлт өнгөрсөн 12 дугаар сард Нью-Йоркийн алдарт Broadway дэх “АМC Loews” театрт болсон юм. Нээлтээ хийсэн цагаас хойш дэлхийн сая, сая үзэгчийг байлдан дагуулаад буй тус киноны Монгол дахь албан ёсны нээлт өчигдөр орой “Хүннү” кино театрт боллоо.

Киноны нээлтэд “Марко Поло” киноны зохиолыг бичсэн, Холливудын нэрт кино зохиолч Жон Фуско, найруулагч Дан Минахан, ерөнхий менежер Ричард Шарки нар хүрэлцэн иржээ. Мөн киноны улаан хивсний ёслолд Монголын соёл урлаг, бизнес, улс төр, хэвлэл мэдээллийн салбарын нэр хүндтэй эрхмүүд уригдан оролцлоо.