Жил бүрийн энэ өдрийг дэлхий даяар сая сая хүмүүс "Инээдмийн баяр"-ын өдөр болгон тэмдэглэж хайртай дотны хүмүүстэйгээ болон найз нөхөдтэйгээ инээд хөөрөөр цалгиж өнгөрүүлэх болсон билээ. Тэгвэл өнөөдөр үзэгч түмэндээ инээд хөөр, дуу хуур бэлэглэж баясган цэнгүүлэхээр нэгэн томоохон арга хэмжээ болохоор товоо аль хэдийнээ зарласан юм. Тодруулбал, өнөөдөр буюу 4-р сарын 1-нд Хошин урлагийн жүжигчид, Нийтийн дуучид, Элэглэлийн жүжигчид нарын уран бүтээлчдийн хамтарсан тоглолт эрийн хийморь мандаасан Монгол бөхийн өргөөнд 19:00 цагаас ганцхан удаа болох аж.
Уг тоглолтонд МУГЖ Н.Төмөрхуяг, МУГЖ Н.Чулуунхүү, МУГЖ Б.Чаминчулуун, МУГЖ Д.Галсантогтох, МУГЖ Б.Туяа, МУГЖ С.Вандан, МУГЖ Д.Дуламсүрэн, МУГЖ Г.Эрдэнэбат, МУГЖ У.Далантай, МУГЖ С.Ганзориг, МУГЖ Д.Ширмэнтуяа, МУГЖ С.Эрдэнэцэцэг, МУГЖ Ч.Батэрдэнэ, МУСТА Д.Баасанжав, МУСТА Т.Баттогтох, МУСТА Н.Баасандорж, МУСТА Г.Чинболор, МУСТА Д.Батсайхан, МУСТА Л.Чулуунбаатар, МУСТА Б.Пүрэвсүрэн, МУСТА Э.Оюумаа, МУСТА Д.Жавхаасайхан, МУСТА Д.Үүрийнтуяа, МУСТА П.Идэржавхлан, МУСТА Д.Балдан, МУСТА Я.Гэрэлчулуун, МУСТА А.Түмэн-Өлзий, "Мөрөөдлийн театр", "Хөсөгтөн" хамтлаг, "Пароди" хамтлаг, "Чапи & Суурь", "ТВ Коктейль" хамтлаг, ҮДЭЧ-ын бүжигчид, “Их монгол” хамтлаг, "Шанз 3" хамтлаг, "Язгуур" хамтлаг, "Угсаатан" бүжгийн хамтлаг, "Андра" загварын агентлагийн моделиуд зэрэг 100 орчим уран бүтээлчид нэгдэж ая, дуу болон шилдгийн шилдэг үзүүлбэрээ толилуулна.
Урлаг соёлын мэдээ мэдээллийн нэгдсэн Урлаг.мн сайтын 5-н жилийн ойн хүндэтгэлийн “Инээдмийн баяр”-т зориулсан Хошин урлаг, Нийтийн дуучдын хамтарсан тус тоглолтын тасалбарыг Бөхийн өргөөний кассаар борлуулж байгаа бөгөөд 1900-1905 үнэгүй хүргэлт хийж байна. Мөн дэлгэрэнгүй мэдээллийг 88004147, 89004147, 99004147 дугааруудад холбогдож лавлаарай.
