Олон сайхан уран бүтээлээрээ сонсогчдын танил болсон МУСТА С.Зориг ханийнхаа эмчилгээний зардалд зориулж “Хань минь” уран бүтээлийн хандивын тоглолтоо хийхээр зорьж байгаа юм. Тус тоглолтонд нийтийн дууны урлагийн төлөөллүүд болох МУГЖ Батбаяр, МУГЖ Батсүх, ЦДБЭЧ Баттулга, МУГЖ Чаминчулуун, СТА Ганцог, болон ДБЭТ-ын гоцлол дуучин СТА Хүрэлбаатар, "Сэтгэлийн уянга" хамтлаг зэрэг уран бүтээлчид оролцох юм байна.
МУСТА С.Зоригийн ханьдаа зориулсан энэхүү тоглолтыг ивээн тэтгэж хамтран ажиллах хүсэлтэй хувь хүн болоод албан байгууллагууд 89151858 утсаар холбоо барьж болох ажээ. Мөн элэг нэгт Монголын ахан дүүс та бүхэн “Хань минь” уран бүтээлийн тоглолтыг зорин очиж нэгэн өдрийг дуу хуураар хөглөгдөн дурсамж дүүрэн өнгөрүүлээхээс гадна таны худалдан авсан тасалбар бүр монголын минь нэгэн сайхан эмэгтэйд амьдрал бэлэглэх юм. Тоглолт 4 дүгээр сарын 4-ны өдөр 19 цагт UB palace-ын концертын их танхимд болох юм байна.
Тасалбарын үнэ: 10.000
Дэлгэрэнгүй мэдээллийг 89151858 утсаар авч болох ажээ.
