Дөрвөн монгол хvн бvрийн нэг нь гепатит буюу элэгний vрэвсэлийн аль нэг хэлбэрийн өвчилсөн байдаг ажээ. Гепатит нь зөвхөн архичдын өвчин гэж бодвол эндvvрэл. Гепатитыг эмчилэхээс сэргийлэх нь хавьгvй амар байдаг. Ариун цэврийг чанд сахиж чадвал элэгний өвчин тусах магадлал хэдэн арав дахин буурдаг байна. Мөн бэлгийн харьцаанд орох vедээ бэлгэвч хэрэглэж байвал болох нь тэр. Хоолны дэглэм барьж жингээ огцом хасах, тэнцвэргvй буруу хооллох, эм их уух, архи уух зэрэг vед элэгний ачаалал хэт өсдөг. Хvмvvс элэгэндээ В, С, Д хэлбэрийн вирусууд аль хэдийн агуулж байгаа ч энэ тухайгаа огт мэддэггvй. Гэтэл тэд бусад хvний хувьд халдварын эх vvсвэр нь болдог. Урд өмнө хэвийн хийж байсан ажил vvргээ хийж чадахаа болих, амархан ядрах зэрэг нь гепатитын шинж тэмдэг юм. Хэрэв танд өчvvхэн ч гэсэн сэжиг төрөх л юм бол эмчид хандаарай.
Гепатит A
Халдварлах зам: Чанаргvй муу хоол хvнс ба усаар халдвар авна. Вирус махбодиор дамжин элэг дээр очиж байрлана.
Шинж тэмдэг: Бие сулрах, толгой өвдөх, ядрах, булчин өвдөх, дотор муухайрах, гvйлгэх, шээс харлах, баас цагаарах.
Эмчилгээ: Эмнэлэгт хэвтэж зааврын дагуу эмчилнэ. Эдгэрсний дараа хатуу гам барина. Архи ууж огт болохгvй. Ер нь архи бол элэгт зориулсан нэгэн төрлийн хор юм. Вакцин хийлгэж болно. Тэгвэл 10 жилийн турш хамгаалалт суудаг.
Гепатит В
Халдварлах зам: Цусаар ба бэлгийн харьцааны vед халдварлана. Цусаар дамжин бvх биед тархах ба элэг дээр очиж vржиж эхэлдэг.
Шинж тэмдэг: 6 долоон хоногоос 6 сарын хугацаанд нууц байдалд байна. Бvх бие сулрах, дотор муухайрах, гэдэс, булчин, vе мөч өвдөх.
Эмчилгээ: Урт хугацааны эмнэлгийн vйлчилгээ шаардана. Ихэнхдээ архагшиж бvх насны өвчин болдог. Гурван vе шаттай вакцин хийлгэж дархлаа суулгана.
Гепатит С
Халдварлах замууд: Бие махбодид цусаар дамжин орно. Бэлгийн замаар халдварладаг эсэх нь өнөөг хvртэл тодорхойгvй.
Шинж тэмдэгvvд: Бие сулрах, хоолонд дургvй болох, дотор муухайрах.
Эмчилгээ: Өвчлөгсөдийн 20 хувь нь бие даан эмчилгээ явуулдаг. Өвчин архагших vед элэгний церроз болно.
Одоогоор энэ гепатитаас хамгаалах вакцин олдоогvй. Тиймээс бэлгийн харьцаанд орохдоо дандаа бэлгивч авч яваарай.
Гепатит Д
Халдварлах зам: Гепатит Д нь дагуул өвчин гэж тооцогддог. Өөрөөр хэлбэл энэ өвчинөөр хvн дагнаж өвчилөх боломжгvй.
Шинж тэмдэг: Энэ өвчин В гепатиттай хvнд л халдварлана.
Эмчилгээ: Эмнэлэгт vзvvлэх ёстой. Гэвч эдгэхээсээ илvv архагших нь элбэг.
Зөвлөмж: Эм ууж эмчилгээний дэглэмийг сахиж чадвал эрvvлжих магадлалтай.
Гепатит Е
Халдварлах зам: Хувийн ариун цэвэр сахиагvйгээс болно. Мөн бохирдсон усаар дамждаг.
Шинж тэмдэг: Гепатит А-тай маш адилхан.
Бие махбодь ямар нэг эм тан хэрэглэлгvй нэг сарын дотор энэ өвчиний вирусээс салж чаддаг.
Хоол идэх бvрийн өмнө гараа угаагаад байвал энэ өвчинг тусахгvй.
Гепатит G
Зөвхөн цусаар ба бэлгийн замаар халдварладаг. Бие их суларна. Тусгай эм ууснаар эдгэрэх боломжтой. Ер нь гепатит тусахгvйн тулд хувийн ариун цэвэр сахиж дархлаагаа сайжруулж, цэвэр агаараар амьсгалж бэлгэвч хэрэглэхэд хангалттай.
Эх сурвалж: Topnews.mn
