НҮБ-ын Хүүхдийн сан болон тус сангийн элч дуучин Т.Ариунаа нар хамтран ажиллах гэрээнд гарын үсэг зурах ёслолын ажиллагаа, хэвлэлийн бага хурал энэ сарын 29-нд буюу Баасан гаригт болно.
Монгол Улсын Гавьят жүжигчин, дуучин Т.Ариунаа 2001 онд анх Монгол дахь НҮБ-ын Хүүхдийн сангийн Үндэсний элчээр томилогдож, АНУ-ын Нью-Йорк хотноо хүүхдийн эрхийн асуудлаар болсон НҮБ-ын тусгай чуулганд зориулсан гала тоглолт дээр “Нарны хаан хүүхэд” дууг дуулж байсан билээ. Үүнээс хойш Элч дуучин Т.Ариунаа Монгол дахь НҮБ-ын Хүүхдийн сантай хамтран хүүхдийн олон асуудлаар нөлөөллийн ажил хийж байсан юм.
Тухайлбал, хүүхдийн эрүүл аюулгүй орчинд аж төрөх, хөгжих, хамгаалуулах эрхийг хангах хэдхэдэн кампанит ажлуудад оролцож байсан. Тэр дундаа Хүүхдэд ээлтэй аймагнэртэй хөдөлгөөнийг Хэнтий аймагт эхлүүлж байсан.Энэ удаад НҮБ-ын Хүүхдийн сантай харилцаагаа албан ёсоор шинэ шатанд гарган үргэлжлүүлэх гэж байгаа бөгөөд цаашид ямар асуудлаар хамтран ажиллах тухайгаа гарын үсэг зурах үеэр албан ёсоор зарлах юм байна.
Ёслол 5-р сарын 29-ний 12.00 цагт НҮБ-ын байрны (ХБНГУ-ын ЭСЯ-ны баруунталд) 3-р давхрын Хурлын зааланд болно
www.Urlag.mn
