Өнгөрөгч нэгдүгээр сард “Учралын эгшиг” бие даасан тоглолтоороо үзэгчдийн сонорыг мялаасан залуу дуучин, СТА Э.Болор-Уянгын “Энэ миний огторгуйд” шинэхэн уран бүтээл тун удахгүй үзэгчдийн хүртээл болох гэж байна.
Өвөрмөц өнгө төрх, хүчирхэг хоолойгоороо урлагийн тайзнаа гарч ирсэн түүнийг сонсогчид “Учралын эгшиг”, “Намуун байгаль”, “Чамайгаа оллоо”, “Зүрхэн чулуу” зэрэг уран бүтээлээр нь мэддэг болсон билээ. Тэрбээр хоёр жилийн өмнө дуучин Д.Эрдэнэцэцэг агсны дурсгалыг хүндэтгэн түүний уран бүтээлүүдийг түүвэрлэн “Дуулъя дурсъя” нэртэй цомгоо гаргаж байсан юм.
