Монголын түүхэн сэдэвт "Цогт тайж" уран сайхны киног сэргээн засварлаж, дижитал хувилбарт шилжүүлэх тухай Франц улстай хэлэлцэн тохирч, уг киноны контратив хувилбарыг францын талд хүлээлгэн өгсөн билээ. Үүнтэй холбоотойгоор уг киног нууцаар хил давуулж худалдах гэж байгаа гэсэн мэдээлэл тарж олон нийтийн сэтгэлийг түгшээсэн.
Тэгвэл өнөөдөр Монголын түүхэн киноны сор бүтээл “ЦОГТ ТАЙЖ” киноны тус улсад сэргээн засварласан эхийг хүлээн авах ёслолын ажиллагаа Дуурь бүжгийн эрдмийн театрт болно.
Энэ талаар УИХ-ын гишүүн Ё.Отгонбаяр өөрийн Twitter хуудаснаа “Сайн мэдээ: Маргааш Цогт тайж киноны шинээр сэргээн засварласан хальсыг Францын тал манайд гардуулж өгнө. Намайг зарчихсан гээд гүтгээд байсан. Уг нь сэргээсэн дижитал хувилбар нь ирээд гурван жил болж байна. Хальс сэргээхэд ийм их цаг ордог ажээ” хэмээн жиргэжээ.
