Чамдаа би хайртай гээд
Чихэнд минь шивнэсэн тэр шөнө
Тэргэл саран намрын зүүдтэйгээ
Тэр л чигээрээ сэтгэлд минь үлджээ.
Зүрхэнд минь хоногшсон учрал
Зүүдэнд урсах аялгуу байсан
Хайрын харц, бүлээхэн нулимс чинь
Хатуу орчлонгийн гэгээ байсныг мэдэрсэн.
Сүүлчийн шөнө Чиний минь амьдрал шиг богинохон байсан
Сүүлчийн шөнө Чимээгүй саран шиг тодхон байсан.
Сүүлчийн шөнө Эргэж уулзахаар болзоод өглөөг хүлээсэн
Эцсийн учрал гэдгийг хэн хэн нь ч мэдээгүй
Хүн хүндээ дасдаг хорвоод
Хайрыг чинь дандаа үгүйлнэ
Зүс царай чинь нулимсанд бүрэлзээд
Зүрх сэтгэлээрээ чамайгаа үгүйлэх л юм.
Цэн цэнгийн зүсэр бороо
Цээжинд урсах аялгуу байж дээ.
Хайртай байснаа сая л мэдэрэхэд
Халуун дуслууд хацар даган урсана.
Сүүлчийн шөнө Чиний минь амьдрал шиг богинохон байсан
Сүүлчийн шөнө Чимээгүй саран шиг тодхон байсан.
Сүүлчийн шөнө Эргэж уулзахаар болзоод өглөөг хүлээсэн
Эцсийн учрал гэдгийг хэн хэн нь ч мэдээгүй
