Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
  • Кино
Facebook Twitter Instagram
Урлаг.мнУрлаг.мн
  • Дуу хөгжим
  • Утга зохиол
  • Язгуур урлаг
  • Сонгодог урлаг
  • Театр
  • Кино
Facebook Twitter Instagram
Урлаг.мнУрлаг.мн
Урлаг.мн»Bravo»Монгол гэрийн магтаал
Bravo

Монгол гэрийн магтаал

Урлаг Урлаг09/04/2012Сэтгэгдэл байхгүй2 минут уншина
Facebook Twitter LinkedIn Имэйл Telegram WhatsApp
Share
Facebook Twitter LinkedIn Pinterest Имэйл

Яргай зандан цагаригтай

Яшил зандан даагатай

Хүрэн зандан хүрээтэй

Хүдэр зандан нуруутай

Алтан хорол голтой

Арвин эрдэнийн сийлбэртэй

Зандан модыг зааж хийсэн

Зааны зоогоор үдэж хийсэн

Сэндэн модыг сийлж хийсэн

Сарлагийн зоогоор үдэж хийсэн

Жаран дөрвөн хуруутай

Зургаан салаа хэцтэй

Нар сарны гэрэл цацарсан

Найман өлзий шинж бүрдсэн

Эрхэм хоёр загас Элгээрээ нийлсэн

Шүрэн улаан өнгөтэй Шүхэр эрдэнийн тооны чинь мялаая!

Эрдэнийн цагаан хүлгийн дэлээр томж хийсэн

Эгч дүү нарын гарын тамираар нийтгэж бүтээсэн

Алтан зоос ариун хивийн чимэгтэй

Аливаа хишиг буян хурсан чагтагыг чинь мялаая!

Сүмбэр уулын сүүдэрт

Сүлжин ганхаж ургасан

Навчит зандан модыг буулгаж

Нам газар авчирч

Нахиа салааг нь арилгаж

Нарийн бүдүүний нь тэнцүүлж

Сум шиг зүлгэж хийсэн

Найман лянхуан шинж бүрдсэн

Нарийн сайхан уний чинь мялаая!

Харгай занданг хуулан цавчиж

Хананы хэвийг байгуулж

Эр сайтай хүү эвлүүлэн засаад

Эрдэм сайтай мужаан Эрэгцүүлэн хийгээд

Эр дундын буурын ширээр

Шүүс гартал татаж

Шүүрчлэн эргуүлээд

Шөрөгчлөн үдэж хийсэн

Өндөр их хэмжээтэй

Өлзий зангиа хэлбэртэй

Арван зургаан толгойтой

Асар сайхан ханыг чинь мялаая!

Агар зандан хатавчтай

Арцат зандан хаалгатай

Хүрэн зандан хүрээтэй

Хүдэр болд оньстой

Хүн бүхний орж гардаг

Хаалга хатавчий чинь мялаая!

Ахрын хонины ноосыг

Алга дарам зузаалж

Энгүй өргөн хөшгөн дээр

Эвийг мэдэж зулаад

Бүлээн усаар бүрэлдүүлж

Бүгдийн гараар ширэлдүүлж хийсэн

Эвдрэлгүй бат Элэгдэлгүй бэх

Эрдэнийн цагаан эсгийг

Хурсан олон авгай бэргэд

Хурууны урныг гарган хайчилж

Яргитал оёж Ягштал зээглэсэн

Хун цагаан бүрээсий чинь мялаая!

Хар морины дэл сүүлийг

Хамаг олон эгч дүү нар Уран самчиж

Чадал ихтэй залуу Чанга эрчимтэй томж

Чийрэг биетэй хүүхэд Чангаан татаж эгшрүүлсэн

Тасрахыг мэдэхгүй бөх

Сулрахыг мэдэхгүй чанга

Бат сайхан оосор бүслүүр

Бадам сайхан хөлдрөгийг чннь мялаая!

Хананаасаа аваад халиу булган дэвсгэртэй

Хатавчнаасаа аваад Хамба торгон хөшигтэй

Энэ сайхан гэрийн төв дунд нь

Балбын дархан балбаж хийсэн

Бас нэг дархан засаж хийсэн

Уран дархан угалзалж хийсэн

Ухаант дархан сийлж хийсэн

Тулгыг чинь мялаая!

Хүрэл ширмийг хайлуулж хийсэн

Хүрээ газар цутгаж хийсэн

Хүн бүхний унд хоолыг базаагч

Хүрэл эрдэнийн тогоог чинь мялаая!

Хуваалцах. Facebook Twitter Pinterest LinkedIn Tumblr Имэйл
Урлаг
  • Вэбсайт

Төстэй нийтлэл

Түүх Урлаг

Үндэсний номын санг байгуулсны 105 жилийн ой тохиолоо

20/11/2026
Утга зохиол Урлаг

ФОТО: Их зохиолч Д.Нацагдоржийн хөшөөнд цэцэг өргөлөө

17/11/2026
Bravo Урлаг

Есөн настай М.Цэцэйхэн олон улсын олимпиадаас хошой алтан медаль хүртэж, өсвөрийн дэлхийн аварга боллоо

17/11/2026

Сэтгэгдэл хаалттай

Сүүлд нэмэгдсэн

“Physical: Asia” шоуны хоёрдугаар улирлыг хийхээх болжээ

20/11/2026

Өнөөдөр “Мөрөөдлийн театр”-ын жүжигчин Г.Алтаншагайн төрсөн өдөр

20/11/2026

“Uyana” хөгжмийн төсөл анхны цомгоо гаргажээ

20/11/2026

Баянхонгор аймгийн Хөгжимт драмын театрын гоцлол дуучин Р.Болортуяа Хөдөлмөрийн гавьяаны улаан тугийн одон хүртэнэ

20/11/2026

Magnolian Японы жазз дуучин Карен Аокитой хамтран “Hundred Birds” дуугаа гаргалаа

20/11/2026
Дараахи
Facebook Twitter Instagram Pinterest
  • Бидний тухай
  • Холбоо барих
© 2009-2026 зохиогчын эрх хуулиар хамгаалагдсан.

Хайх утгаа бичээд Enter дарна уу. Болих бол Esc дарна уу.