Усны шувууд буцаж нутгийн нуур нь эзгүйрсэн
Уйтай намрын бороо гуниг шивнэсэн энэхэн орой
Сайхнаас тань сайхан чиний тухай дурсамжийг
Санан санах мөрөөдөлдөө сэтгэлдээ би дуу болгон шингээлээ
Нутаг нутгийн залуус наадмаар нэг цугларахад
Нэгэн охинтой би харц тулгарч учирсан юм
Чамтай юу ч яриагүй ч чимээгүйхэн ширтэлцсэн
Чиний нэрийг мэдэхгүйдээ нүдэн охин гэж сэтгэлдээ шивнэсэн
Дахилт: 2х
Дуулсан дуундаа би өөрөө уяраад
Дурласан сэтгэлдээ шатаж явна даа
Дараа жилийн наадам даан чиг хол байна даа
Дахин учрах заяа хэзээ гэдгийг хэн мэдэх юм бол
Тунгалаг дөлгөөхөн ухаалаг харцтай
Тэнгэрлэг дүрийг чинь сэтгэлдээ би дуу болгон шингээнэ
Дахилт: 2х
Дуулсан дуундаа би өөрөө уяраад
Дурласан сэтгэлдээ шатаж явна даа
