Үүлэн чөлөөний наран жаргах шиг
Үйлийн үрээ эдлэн жаргасан
Нэгэн биений минь нөгөө тал
Нинжин сэтгэлийн минь цагаан сүүдэр
Хань минь дээ хань минь дээ
Миний л хань
Цэцэг цасны ивээх чөлөөгөөр
Чиний миний дурласан ханилсан
Чихэртэй давстай амьдралын дарсыг
Хувааж залгилсан хосгүй амраг
Хань минь дээ хань минь дээ
Миний л хань
Цэлмэг тэнгэрийн буурал орчлонд
Цээжин дотроо бүгдийг амалсан
Хойд насандаа ч бие биеэ эрэх
Хорвоод хосгүй хайрын хийморь
Хань минь дээ хань минь дээ
Миний л хань
