Нутгийн цэнхэр ууланд нь
Униар будан хөшиглөж байгаа даа
Нуурын шувууд ганганан нисэхэд
Ухаант ээж минь уймрах вий дээ
Яргуй цэнхэр хөндийд нь
МӨнгөн хяруу бууж байгаа даа
Цэнгийн навчис эргэлдэн хийсэхэд
Цайлган ээж минь даарах вий дээ
Дахилт:
Сэтгэл минь яарах юм
Ээжээ зүүдлэх юм
Санчиг буурал ээж минь
Байн байн бодогдох юм даа
Налгар намрын улиралд нь хөө
Нойтон шамарга шуурч байгаа даа
Хүйтний амьсгал аргагүй орлоо доо
Хайртай ээж минь жиндэх вий дээ
Сувдан цэнхэр ууланд нь
Сүүмэлзэх саран хоноглож байгаа даа
Хүүгээ элгэндээ санан тээсээр
Хөөрхий ээж минь бэтгэрэх вий
Дахилт:
Сэтгэл минь яарах юм
Ээжээ зүүдлэх юм
Санчиг буурал ээж минь
Байн байн бодогдох юм даа
Сэтгэл минь яарах юм
Ээжээ зүүдлэх юм
Санчиг буурал ээж минь
Байн байн бодогдох юм даа
