Нүхжилт үүсэхэд нөлөөлдөг хамгийн гол хүчин зүйлсүүд бол: нас, хүйс, арьсны төрөл ба ген.
Нас: хүний арьс хөгшрөх тусам уян хатан чанараа алдаж, өөрөө нөхөн төлжихөө больдог. Тэгээхээр элдэв бохир ба үхжсэн арьс солигдож чадахгүйгээр арьсны нүхийг сунгаан том нүхжилт, яваандаа нөсөө болон хувирдаг байна. Мөн эрэгтэй хүмүүс эмэгтэй хүмүүсийг бодвол нүхжих боломж илүү өндөр, энэ нь тэдний тестостероны хэмжээтэй шууд холбоотой байдаг гэнэ. Бүсгүйчүүдийн сарын тэмдгийн үе, бусад гормоны хэлбэлзлийн үеээр арьсны тос ялгаруулах процесс доголдон мөн нүхжилт үүсдэг гэнэ
Мөсөөр нүүрээ массажлах: Мөс нь нүхжилтийг маш хурдан багасгадаг. Нүүрээ бүрэн цэвэрлэсний дараа мөсөөр арчаарай
Хүйтэн усаар зайлах: Угаахдаа, эхлээд бүлээн усаар нүүрээ угаана. Энэ нь нүхийг нээж, нүүр цэвэрлэгчээр нүүрээ угаахад бохирдлыг илүү хурдан арилгахад тусална. Үүний дараа нээгдсэн нүх сүвийг хаахын тулд хүйтэн усаар угаагаарай.
Өндөгний цагаан түрхэх: Өндөгний цагаанаар нүүрээ массажлан хатааснаар нүхжилтийг гайхалтайгаар багасгана. Эртний энэхүү арга нь мөн арьсыг чангалж, цэвэрлэн, тэжээлээр хангана.
Оливийн тос, сахараар гуужуулах: Арьсаа гуужуулснаар арьсны сүвнээс гарах илүүдэл тос бохирдлыг арилгахад тусална. Тэдгээр бохирдол арилахад л нүхжилт тань мэдэгдэхүйц багасах болно. Үнэтэй гуужуулагч худалдаж авах шаардлага байхгүй. 2 цайны халбага сахар, 1 цайны халбага оливийн тосыг хооронд нь сайтар холиод нүүрэндээ түрхэн сайтар массажилж усаар зайлна. 7 хоногт 2-3 удаа арьсаа гуужуулаарай.
Нүхжилтийг хүнсний содоор цэвэрлэх: Бас нэгэн гуужуулах арга. Өртөг багатай үр дүнтэй. Бага зэргийн хүнсний соданд хэдэн дусал ус хийн сайтар холин зуурмаг болгоод нүүрэндээ түрхэн хурууныхаа өндгөөр массажилна. Нээгдэн нүхээ хаахын тулд дараа нь хүйтэн усаар угааж цэвэрлэнэ.
Тараг түрхэх: Тараг нь сүүний хүчил агуулсан учир зөөлөн гуужуулагчид тооцогддог. Тиймээс дээр санал болгосон 2 гуужуулагч арьсанд тань хэтэрхий хүчтэй санагдвал таргаа нүүрэндээ түрхээд хатсаныха нь дараа угааж цэвэрлээрэй.
Овьёосоор илүүдэл тосыг гаргаж авах: Нүх сүвэн дэх илүүдэл тос нь нүхжилт үүсгэн улам том болгосоор байдаг. Үүнээс салах хамгийн найдвартай арга бол овьёос юм. Аяганы тал түүхий овьёосыг нухан дээр нь бага зэргийн ус хийгээд блендэрдэнэ. Нухашаа нүүрэндээ хэдэн минут тавиад, усаар зайлна.
Алимны цуу түрхэх: Нүхжилтийг арилгах бас нэгэн үр дүнтэй арга бол алимны цууг нүүрэндээ түрхэх юм. Нүүр цэвэрлэдэг хөвөнд шингээн нүүрээ арчина. Ингээд усаар сайтар угааж цэвэлээд л болоо. Нэг зүйлийг анхааруулахад 100 хувийн цэвэр алимны цууг ашиглаарай.
