Бүсгүй хүн бүрийн мөрөөдөл бол маш их хэмжээгээр идсэн ч жин нэмэхгүй байх гэсэн хошин үг хүртэл гарчээ. Тиймээ, энэ бол тун ч үнэний ортой үг шүү…
Турахын тулд элдэв төрлийн тураах бүтээгдэхүүн хэрэглэж, мөнгөөрөө өвчин худалдаж авдаг үе өнгөрсөн. Хүн бүр эрүүлээр турахыг эрмэлздэг болсон цаг. Харин хэрхэн турах вэ? Унаж тусталаа хоолоо сойх уу, аль эсвэл ядарт туйлдталаа дасгал хийхүү?
Хоолоо сойх нь элдэв эм, кофе зэргээс эрүүлээр турах арга мөн боловч сүүлийн үеийн судалгаагаар эргэж таргалах магадлал тун ч өндөртэйг судлаачид сануулж байгаа юм. Учир нь хүний бие өлсөх үедээ маш их энерги зарцуулдаг бөгөөд эргээд хуучин хэвэндээ очих буюу түүнээсээ ч илүү жинтэй болохын тулд илүү "өлсгөлөн” болдог байна. Ингээд маш их хэмжээгээр идэх, ядрах бөгөөд хуучин байсан жингээсээ илүү их нэмдэг байна. Тиймээс эрүүлээр хооллож турах аргыг танд зөвлөж байна.
Энэхүү арга нь тодорхой хугацаанд мөрдөгдөх дэглэм биш бөгөөд та энэхүү хоололтыг бие махбодидоо дасгаж өгсөнөөр цусны даралт, үе мөчний өвчин зэргээс сэргийлэх боломжтой юм шүү.
Өглөө сэрэнгүүтээ /7-9цагт/ 2-4 аяга хүйтэн бүлээн ус уугаарай. Энэ нь шөнөжин хуримтлагдсан хоол хүнсний үлдэгдлийг биеэс гадагшлуулах, өтгөн хаталтаас сэргийлдэг.
11:00 Цагт сүүнд дэвтээсэн хагас аяга Слава овьёосыг хэрэглэж заншаарай. Таны бүтэн өдрийн энергийг нөхөж чадахуйц энэхүү бүтээгдэхүүн нь гэдэсний гүрвэлзэх хөдөлгөөнийг сайжруулдаг. Араас нь 1 аяга хүйтэн бүлээн ус уугаарай.
14:00 Энэ бол өдрийн хамгийн амттай хэсэг. Та энэ цагт Слава гурвалжин будаа, тахианы цээж мах, үхрийн чанасан эсвэл жигнэсэн өөхгүй махыг броккли буюу цэцэгт байцаа, буйцаа зэргээр хачирлан идээрэй. Хэрэв та төмсөнд дуртай бол шарж хуураагүй тал төмс хэрэглэж болох юм. Харин уух юм нь мэдээж хүйтэн бүлээн ус.
17:00 Цагт та орой өлсөхгүйн тулд хөнгөн салатыг сонгож идээрэй. Шинэхэн ногоогоо вандуй болон оливын тосоор амтлаад идээрэй. Өег бас амттай шүү. Араас нь аяга ус уухаа битгий мартаарай. Арьс тань гэрэлтэх болно.
19:00 Энэ цагт тв үзэнгээ юм идмээр санагдах, гэрийнхэн тань таны хийсэн амттай хоолыг ам уралдуулан магтахад ганцаараа шүлсээ залгиад сууна гэдэг бол маш том "шийтгэл”. Тиймээс танд нэг аяга тараг эсвэл нэг ширхэг алимыг санал болгож байна. Өлсөхгүй бол заавал идэх албагүй учраас та өөрийгөө сайтар чагнаарай.
Энэ аргаар хооллоход эхний долоо хоногт 3-5кг жин хаях бөгөөд харахад бие тань галбиржиж, өглөө сэрэхэд л бие тань өөрийн эрхгүй хөнгөрсөн байх болно. Олон гэрийн эзэгтэй нарын гарын доорх хямд бөгөөд амттай зөвлөгөө юм шүү. Эрүүл хоололтынхоо хажуугаар гэдэсний таталт, хөнгөн дасгалуудыг хийвэл таны арьс чангарч галбиржих болно. Мөн та хүссэн хэмжээндээ жингээ брихаар шийдсэн бол энэ арга танд тусалж чадна.
