униар сэмрэн уулс гэрэлтээд
уужим бодолд шувууд ганганаад
сэтгэлийн чанадаас хавар ирэхэд
сэм сэмхэн нутгаа л санах юмаа
дахилт:
үүлэн дальтай нутгийн минь салхи
өэлүн бүүвэй нугын минь амьсгал
өр зүрхэнд уянга хайрлах
өвгөдийн заяатай амгалан хөдөө минь
нараа өлгийдөн тэнгэр тэнийгээд
навчисаа үнэрлэн модод уяраад
бодлын чанадаас хавар ирэхэд
бороон чимээтэй нутгаа санах юмаа
дахилт
аялгуу хөглөм цэцэгс дэлгэрээд
ардын дуугаа аялаад мордмоор
аяны шувууд хавраар ирэх шиг
аавын минь нутаг сэтгэл даллана
дахилт
