.
Хувцас загвар 20-30 жилд эргэн ирдэг гэсэн үг загварынхны дунд бий. Тэгвэл сүүлийн үед 1990- ээд онд моодонд орж байсан винтаж загварын даашинз, хүрэм, аксессуарууд харагдах болсон.
Холливуудын загварлаг охид, дуучид, загвар өмсөгчид, блогчид гээд бүгд л элдэв хэв загварын чокерийг зүүх болсон. тэгвэл чокерийн анхны үүслийн талаар сонсож байвуу?
Түүхээс үзвэл энэ зүүлт нь 1798 онд загварын эх орон Францад үүссэн бөгөөд үнэт эрдэнийн чулуугаар чимэглэн чинээлэг эмэгтэйчүүд зүүдэг байсан гэнэ. үүний дараагаар баллетчид зүүх болж 1800-аад оны эхээр Хатан хааны угсааныхан мөн зүүж байжээ.
Хамгийн сонирхолтой нь биеэ үнэлэгчид хар болон, улаан нарийн чокерийг зүүж байснаас гадна ижил хүйстнээ сонирхогчид үүнийг таних тэмдэг болгон ашигладаг байжээ.
Харин өнөөдөр чокер нь загварын нэгэн салшгүй элемент болон эргэн ирсэн бөгөөд маш олон төрлийн загвар өнгөтэйгөөр хэв маягт баригдалгүй үйлдвэрлэгдэх болжээ.
Кристиан Диорын энэ намрын коллекцид багтсан байна. 
Эх сурвалж: TOWN.MN
