Цаагуур явсаныг наагуур даллаад
Цайны дээжээ өргөн барихдаа
Мишээх царайд нь наран гэрэлтсэн
Миний говийнхон тэнгэрийн улсаа
Тэнгэрийн говь минь ээ
Тэнүүн цэнхэр нутаг минь ээ
Тандаа би наддаа та минь ганцхан шүү дээ
Магнай ташсан хүйтэн булгийнх нь уснаа
Марал мичид чуулж өнжихдөө
Зэгэс хулсаар нь шөнөжин дэмбээдсэн
Зээмгий говь минь тэнгэрийн орон
Тэнгэрийн говь минь ээ
Тэнүүн цэнхэр нутаг минь ээ
Тандаа би наддаа та минь ганцхан шүү дээ
Цэцэгсийн үнэрээр салхины амтаар
Сэвлэг даахинд шингэсэн болохоор
Цэнхэр уянга ингэн буйлаанд нь
Сэтгэл аяндаа нялхараад байх юм
Тэнгэрийн говь минь ээ
Тэнүүн цэнхэр нутаг минь ээ
Тандаа би наддаа та минь ганцхан шүү дээ
