Итгэл сайтын үр билээ
Сэтгэл сайтын үргэлжлэл билээ
Ижийн хайраар цангаагүй билээ
Эцгийн нөрмөөр дутаагүй билээ
Удмыг минь битгий сэвтээгээрэй үр минь
Урмыг минь битгий хугалаарай хүү минь
Санаа сайтын үр билээ
Заяа сайтын үргэлжлэл билээ
Сарны доор гансраагүй билээ
Нарны доор ганцаардаагүй билээ
Хүслийн минь жолоог өргөөрөй хүү минь
Хүний дайтай яваарай хүү минь
Үүд сайтын удам билээ
Үйлс сайтын усаа билээ
Өрөөлөөр өрөөлөр өссөн билээ
Юугаар ч юугаар ч дутаагүй билээ
Итгэлийг минь бүү алдаарай үр минь
Элгийг минь бүү эмтлээрэй хүү минь
