Хүүхэд насны гэгээн өглөө шиг
Холын цэнхэр нутгаа зорьноо би
Хөөрхөн охидын хархан мэлмий шиг
Хар ус нуур минь мэлтэлзэн угтлаа
Хайрхан уулынхаа барааг нь харлаа
Ханхар аавдаа тэврүүлмээр санагдлаа
Буянтын голынхоо рашаанаас амслаа
Бурхан ээжийн сүү шиг санагдлаа
Залуу насны омголон өдрүүд шиг
Зүүдний хүслэн нутгаа зорьлоо би
Алаг нүдэн бүсгүй мэлмий шиг
Ангиртын гол минь мэлмэрэн угтлаа
Хайрхан уулынхаа барааг нь харлаа
Ханхар аавдаа тэврүүлмээр санагдлаа
Буянтын голынхоо рашаанаас амслаа
Бурхан ээжийн сүү шиг санагдлаа
Өтөл насны дурсамж хөврөх шиг
ҮҮлэн цэнхэр нутгаа зорьлоо би
Ачтай ээжийн халуун сэтгэл шиг
Алтайн уулс минь баясан угтлаа
Хайрхан уулынхаа барааг нь харлаа
Ханхар аавдаа тэврүүлмээр санагдлаа
Буянтын голынхоо рашаанаас амслаа
Бурхан ээжийн сүү шиг санагдлаа х2
