Сэтгэлийн тооноор уулс гэрэлтэнэ
Сэмээрхэн дотогшоо нулимс бөмбөрнө
Долоон өртөөгөөс дэргэд минь зүмбэрлэсэн
Дорнын намуухан Отгонтэнгэр минь
Хангай байтлаа хаан эцэг шиг
Хантааз хүрмэнд минь багтаж түшдэг дээ Отгонтэнгэр минь
Гөрмөл суран чөдрөө тасчаад
Гүйгүүл адуу ч нутгаа тэмцэнэ
Санахын элгэнд ижилдэн байдаг
Сарнын дөлгөөхөн Хөх тэнгэр минь
Дэлхий байтлаа хадагтай сүү шиг
Дээлтэй хүмүүн сүлдэнд буудаг Хөх тэнгэр минь
Цэнхэр замбуулинд дахин мэндэлмээр
Цэцгийнх нь үнэрт нутгаа тэмцэнэ
Луун суудалтай суварга ууландаа
Лусын гөрөөс шиг цахилан очно оо би
Тэнгэр байтлаа тэргэл саршиг
Тэрлэг дээлэнд минь багтаж түшдэг дээ
Хөх тэнгэр минь
Отгонтэнгэр минь
Сүлд уул аа
