Алтан наран хэвийх зуур
Алтай сайхан нутаг минь бий
Алтай сайхан нутагт минь
Азай буурал ээж минь бий
Азай буурал ээжийд минь
Амгалан энхийн ерөөл бий
Амгалан энхийн ерөөлдөө
Амар уулзахын тавилан бий
Хархираа исгэрэх тэрхэн зуур
Сарьдаг өндөр алтай минь бий
Сарьдаг өндөр алтайд минь
Саальчин хонгор бүсгүй минь бий
Саальчин хонгор бүсгүйд минь
Сэтгэлийн арвин хайр бий
Сэтгэлийн арвин хайранд нь
Саатан хүлээх итгэл бий
Шөнийн саран шингэх зуур
Сэрүүн сайхан алтай минь бий
Сэрүүн сайхан алтайд минь
Сүрэг олон адуу минь бий
Сүрэг олон адуунд минь
Суман хүрэн морь минь бий
Суман хүрэн мориндоо
Суудал засахын тавилан бий
Сүрэг олон адуунд минь
Суман хүрэн мориндоо
Суудал засахын тавилан бий
