Хавар оройн цасан шиг хайлах нь амархан
Хүйтэн тэнгэрийн үүл шиг цэлмэх нь хялбархан
Хэн нэгэнд дурлаад хэлж амжаагүй ч юм шиг
Хээрийн задгай салхи шиг нэг л тогтворгүй байх чинь
Сэнгэнэтэл сайхан дуулмаар ч юм шиг
Сэтгэлээ онгойтол уйлмаар ч юм шиг
Сэрлийн түмэн аялгуу
Сэрж хэн тайлах вэ
Яргуй цэцгийн үндэс шиг хэнзлэх нь амархан
Ялгуун саарлын хурд шиг наашлах нь хялбархан
Янаг хонгор нэгнийг үдэж чадаагүй ч юм шиг
Янгир дүүлэн адил нэг л тогтворгүй байх чинь
Сэнгэнэтэл сайхан дуулмаар ч юм шиг
Сэтгэлээ онгойтол уйлмаар ч юм шиг
Сэрлийн түмэн аялгуу
Сэрж хэн тайлах вэ
Үүдэн хойморын зай шиг харагдах нь амархан
Үлгэрийн гэмээр зүүд шиг мартагдах нь хялбархан
Өнөө маргааш нэгэнтэээ уулзан учрах ч юм шиг
Өөр зуураа сэнсрээд нэг л тогтворгүй байх чинь
Сэрлийн түмэн аялгуу
Сэрж хэн тайлах вэ
