Британийн “BBC” агентлагаас зохион байгуулдаг олон улсын дуурийн дуучдын “BBC Cardiff Singer of the World” уралдааны эцсийн шатанд УДБЭТ-ын гоцлол дуучин Б.Батжаргал шалгаран үлджээ. Хоёр жил тутамд зохион байгуулдаг энэхүү уралдаанд Итали, АНУ, Англиа, Норвеги зэрэг орны дуурийн дуучин өрсөлдөж байгаа юм. Манай улсаас гавьяат жүжигчин, ОХУ-ын “Марийнский” театрын гоцлол дуучин Г.Ариунбаатар, ДБЭТ-ын гоцлол дуучин Б.Батжаргал нар өрсөлдөв.
Тэмцээний эцсийн шатны шалгаруулалт ирэх зургадугаар сард болох аж. Сонирхуулахад хоёр жилийн өмнө энэхүү уралдаанд УДБЭТ-ын гоцлол дуучин, Монгол Улсын гавьяат жүжигчин Э.Амартүвшин оролцож, үзэгчдийн нэрэмжит буюу тусгай байрын шагнал хүртэж байсан билээ.
