Өнгөрсөн долоо хоногт буюу энэ сарын 17-нд "Үзэсгэлэнт гүнж бас жонон" уран сайхны кино АНУ-д албан ёсоор нээлтээ хийж, Орос, Сингапур, Серби, Казакстан зэрэг 24 орны кино театруудаар гарч эхэлсэн. 2017 оны хамгийн их хүлээлт үүсгээд байсан тус кино, кино театруудад гарч эхэлснээсээ хойш 4 өдрийн дотор, дэлхий даяар нийт 350 сая америк долларын ашиг олж, дээд амжилт тогтоогоод байгаа тухай олон улсын СNN агентлаг мэдээллээ.
Энэхүү кино орлогоороо олон улсын шинжээчид кино шүүмжлэгчдийн таамаглаж байсан дүнгээс хол давж байгаа гэнэ. Нийт олоод байгаа ашиг орлогын зөвхөн 170 сая америк доллар нь Өмнөд Америкийн кино театруудаас олсон орлогоаж. Энэ нь өнгөрсөн жил дуулиан тарьж байсан "Батман Супермэн" киноны амжилтыг эвдээд байгаа үзүүлэлт юм.
Олон улсын шинжээчид уг киног хүүхэлдэйн киноноос бодит байдалд шилжүүлэн бүтээсэн, "Уолт Дисней" кино компанийн төгс гүйцэтгэлтэй бүтээлүүдийн нэг болсон гэж тодорхойлж байна. Түүнчлэн, дүр бүтээсэн байдал, киноны шинэ болон хуучин сонгодог дуунууд, энэ киноны бас нэг амжилтад хүрэх шалтгаан болсон гэж онцолж байгаа юм. "Үзэсгэлэнт гүнж ба жонон" уран сайхны кино нийтдээ 160 сая америк долларын өртгөөр бүтсэн. Нээлтээ хийснээсээ хойш 4 өдрийн дотор кино бүтсэн өртгөө давсан амжилтыг үзүүлж байгаа нь уг кино ямар сайн бүтээл болсныг харуулж байгаа юм.