Хошин урлагийн "Х ТҮЦ" продакшны хамт олон Зэвсэгт хүчний 96 жилийн ой, Монгол цэргийн баярыг тохиолдуулан Онцгой байдлын албаны 200 албан хаагчид “Төсөөллөөс дээгүүр” тоглолтоо өнгөрсөн баасан гаригт үнэ төлбөргүй үзүүлжээ. Аливаа болзошгүй эрсдэл, гамшиг ослын үед байнгын бэлэн байдалд байж, ард иргэдээ аюул ослоос урьдчилан сэргийлж, авран хамгаалж байдаг Онцгой байдлын албыг ард иргэд, төр засаг маань үргэлж дэмжиж байх ёстой. Тэр ч үүднээсээ бид Монгол цэргийн өдрийг тохиолдуулан Онцгой байдлын ерөнхий газрын хамт олонд “Төсөөллөөс дээгүүр” тоглолтоо үнэ төлбөргүй үзүүлж, сэтгэлийн бэлэг барихаар шийдсэн юм хэмээн тус хамтлагийнхан өгүүлсэн.
Онцгой байдлын албаныханд ийнхүү сэтгэлийн бэлэг илгээсэн Х-ТҮЦ хамтлагийнхандаа Онцгой байдлын албаныхаа нэрийн өмнөөс талархал илэрхийлье.
Сайн үйлс бүхэн дэлгэрэх болтугай.
