Нийслэлийн Соёл, урлагийн газраас санаачлан “Зохиогчийн эрх, түүнд хамаарах эрхийн тухай хууль”-ийн талаар зөвлөгөө мэдээлэл өгөх цуврал лекц, сургалтуудыг СУИС-ийн төгсөх курсийн оюутан залуусын дунд амжилттай зохион байгуулж байгаа билээ. Цуврал болгон явуулж буй тус сургалтын 6 дахь удаагийн сургалтад СУИС-ийн РТМУС-ийн Сэтгүүл зүйн тэнхим, Дуун техник, технологийн тэнхимүүд хамрагдлаа.
Сургалтыг удирдан явуулж буй Өмгөөлөл, хууль зүйн үйлчилгээний “Сувд партнерс” ХХНөхөрлөлийн захирал, өмгөөлөгч Э.Болорчулуун оюутнуудын асуултад нээлттэй хариулж, тэдэнд тохиолдсон жишээнүүд дээр ажиллан, тайлбар хийж байгаа нь оюутнуудад өөрсдийн бүтээл, оюуны өмчөө хамгаалахад маш сайн туршлага болж байгаа юм. Энэ дашрамд дуулгахад 7 дахь цуврал лекц 04 сарын 12-ны 15:00 цагт РТМУС-ийн байранд болно. гэж Нийслэлийн Соёл, урлагийн газраас мэдээллээ.
