Өнгийн цэцэгс ургаж гүйцээд
Өнгө гэдэг нь хосолно оо хөө
Өөрийн болгоогүй сэтгэлээ хөө
Өрөвдөж суугаад уйлна аа хөө
Намрын сэрүү унаад ирэхээр
Навчис модод нь шаргалтанаа
Намтар түүхээ дурсан бодохоороо
Найзалж явсан нь ойрхон доо хөө
Тайгын уул нь цайраад ирэхээр
Талын нууртай ижилсэнээ хөө
Танхил чамйгаа үгүйлэн суухад
Танилцсан үе минь саяхан даа хөө
Хаврын урь нь ороод ирэхээр
Хайлаас модод нь цэцэглэнэ дээ хөө
Хайрын үгээ шивнэн суухдаа
Хагацаж салахыг мэдсэнгүй дээ
