Ф.Херольдын "La Fille Mal Gardee" /Муу хамгаалагдсан охин/ буюу "Дэггүй Лиз" балет та бүхний хүртээл болж манай театрын урын санд нэмэгдэж байна. Нээлтийн тоглолт энэ сарын 27, 28-нд 17.00 цагаас болно.
Үйл явдал:
Зохиолын үйл явдал тариачин хатагтай Симона үзэсгэлэнт ганц охин Лизтэйгээ амьдардаг. Симона хатагтай өөрийн ганц охиноо хөрөнгө чинээтэй айлын хүүтэй суулгахаар тохирсон байдаг. Лиз охин өөртэй нь суулгахаар тохирсон Аленд дургүй бөгөөд сэтгэлт залуу Колентайгаа хамт амьдрахыг мөрөөднө. Симона хатагтай Лиз охиноо бусдаас харамлан сүй тавих өдөр хүртэл гэрээсээ гарч орохыг нь цагдаж байгаагаар бүжгэн жүжиг цааш өрнөнө…
Удирдаач: УГЗ Ц.Мөнхболд, Дэглэн найруулсан: Ц.Чинзориг, Ерөнхий зураач: УГЗ Г.Ганбаатар, Хувцасны зураач: СТА Г.Оюун
Гол дүрүүдэд:
ЛИЗ-СТА Б.Саруул, СТА О.Анужин; КОЛЕН-СТА А.Эрдэнэболд; СИМОНА-МУГЖ Х.Мөнгөнхөлөг, СТА Э.Эрдэнэжаргал АЛЕН-М.Нямтайван, Т.Хан-Очир, ТОМАС-СТА Х.Чойжилсүрэн
V/27, V/28 нд 17:00 цагаас Дуурь Бүжгийн Эрдмийн Театрт нээлтийн тоглолттой. Хайр сэтгэл, нандин харьцааны талаарх өгүүлэх сонгодог балет нь бүх насныханд тэр дундаа хүүхдийн тань урлагийн боловсрол, нийгэмд байр сууриа олох алс ирээдүйн хүмүүжилд нь эерэгээр нөлөөлөх тул таныг гэр бүлийнхээ хамт хүрэлцэн ирж нээлтийн хөшгийг хамтдаа нээхийг урьж байна.
