“Хэтийн Хэнтий” хөтөлбөрийн хүрээнд зохиогдсон “АСК Хэнтий”-2017-д 11 баг оролцож, өргөн утга агууллага бүхий олон сэдвүүдийг нэгэн дор хөндөж, урлагын хэлээр хүргэлээ. Өнөөгийн залууст тулгамдаж буй асуудал, хүний мөн чанар, эх орныхоо мандан бадрал, үүх түүхээрээ бахархах, нийгмийн шилжилт, ороо бусгаа байдлаас болж хүн хүнээ байж, хүсэл мөрөөдөл нь замхран үгүй болж байгаа болон сошил медиа хүн хоорондын харилцааг улам бүр бүдэгрүүлж байгаа зэргийг үзэгчдэд нэгийг бодуулж, хоёрыг тунгаатал нь хүргэж чадсан юм.
Тэмцээнийг УИХ-ын гишүүн Д.Гантулга санаачлан Хэнтий аймгийн Оюутны холбоотой хамтран 2 дахь жилдээ зохион байгуулж буй бөгөөд хоёр шатны шалгаруулалтаас бүрдэх тэмцээний Гала тоглолт энэ сарын 9-нд Тусгаар тогтнолын ордонд үргэлжилнэ. Аймгийн залуусыг урлагаар дамжуулан нэгтгэх, үзэл бодлыг нь сонсох өнөөгийн залуусын хүсэл мөрөөдөл, тэдэнд тулгамдаж буй асуудлуудыг урлагийн хэлээр ойлгох зэрэг олон талын ач холбогдолтойг зохион байгуулагчид болон оролцогчид онцолж байлаа.
Гала тоглолтонд Тэмүүжин цогцолбор сургууль Хэрлэн 4-р сургууль Галшар сум Бэрх хот Хэрлэн 1-р сургууль Батноров сумын залуучууд авъяас чадвараа сорихоор үлдээд байна. Тэд “Хэтийн Хэнтий”-30 сэдийн хүрээнд гэрин даалгавараа бэлдэж өрсөлдөх юм.
