Улаанбаатар хотноо зохиогдож буй Хятад, Өвөрмонголын соёл, аялал жуулчлалын өдрүүдийн хүрээнд өнөөдөр Хятадын кино өдрүүдийн нээлт "Тэнгис" кино театрт боллоо. Мөн энэ үеэр Монгол, Хятадын олон улсын кино орчуулгын төв үүдээ нээв. Кино өдрүүдийн нээлтэд оролцогчид болон Хятад, Монгол хоёр орны уран бүтээлчид, үзэгчид “Их Шанхай” киног хамтдаа үзэж сонирхлоо.
Зохион байгуулагчдын танилцуулснаар, тус арга хэмжээний үеэр буюу есдүгээр сарын 4-8-ны хооронд нийслэлийн “Тэнгис”, “Гэгээнтэн”, “Соёмбо” зэрэг 5 кино театрт “Их Шанхай”, “Их хотын хайр”, “Хүн загас”, “Хоёулаа гэрлэе”, “Хайр нэхсэн зүүд”, “Багштан”, “Бээжин Сиэтл хоёр учирсан нь” зэрэг Хятадын шилдэг 10 киног дэлгэцнээ гаргах бөгөөд 6-нд “Хятад, Монголын кино урлагийн хамтын ажиллагааны чуулга уулзалт”-ыг хамтран зохион явуулахаар төлөвлөж байгаа аж.
Сүүлийн жилүүдэд Монгол, Хятад хоёр орны соёлын харилцаа гүнзгийрч, Өвөрмонголын Кино группийн зүгээс кино зураг хамтран авах, хамтарч кино театр байгуулах, дуу дүрс бичлэг хэвлэх төсөл хэрэгжүүлэх, кино урлагийн бүтээл нэвтрүүлэх зэрэг асуудлаар манай улсын соёлын байгууллагуудтай 6 гэрээ байгуулжээ.
