“Мандухай сэцэн хатан” киноны “Мандухай эх хатан” хэмээх хөгжим нь монголын түүх, түүхэн бие хүн, цаг төрийн явдал, монгол хөгжмийн уламжлал, оюун сэтгэлгээний хэв маягийг шинэ эрин цагт эгшиг, сэтгэлгээний түвшинд илэрхийлэхийг зорьсон гурван чуулбар, 25 бие даасан ая бүхий 90 минут үргэлжлэх бүтээл юм.
“Хан төрийн уурга” хэмээх эхний хөгжимд Мандухай Мандуул хааны хатан болохоор явахын өмнө, өөрийн сэтгэлт Өнөболд вантай уулзан, хагацаж байгаа сэтгэлийн уянгыг илэрхийлдэг бол “Болзоот учрал” хэмээх хоёрдугаар хэсэгт Мандуул хаан насан өөд болсны дараа Мандухай Өнөболдтой сэтгэл хөдлөн уулзаад Вангийн алсын бодлыг мэдэж, санаанд нь эс нийцсэний учир салан одох сэтгэлийн их догдлол, тэмүүллийг илэрхийлдэг. Энэ мэт үргэлжлэх 25 цуврал хөгжимд хөгжмийн зохиолч түүхэн бие хүмүүсийн сэтгэл мэдрэмж, цаг төрийн явдлыг урнаар илэрхийлэн гаргасны сацуу XIV-XV зууны үеийн монгол хөгжмийн судалгаанд суурилан, тэр цаг үеийн төрт ёс, уламжлал түүх, ахуй амьдрал, мянга мянган баатар эрсийн амины үнэтэй эх нутаг, мөнх хөх тэнгэр зэрэг монгол сэтгэлгээний олон талт үнэ цэнийг өнөөгийн хөгжимд шингээн илэрхийлсэн билээ.
“Мандухай сэцэн хатан” кино нь бүхэлдээ уран сайхны тэргүүн бүтээлийн болсноор өнөө цагийн монголчуудын соёлын дархлааны нэг болж, төр засгаас өндрөөр үнэлэгдэн уран бүтээлчид нь төрийн дээд шагналууд авсныг та бүхэн бэлхнээ мэдэх билээ. Тус киноны 30 жилийн ойд зориулан хөгжмийг бүрэн эхээр нь 2018.12.22,23-нд Corporate Convention Centre-ийн Концертын танхимд 18:45 цагаас тоглоно. Ийнхүү хөгжмийн урлагийг дээдлэгч та бүхэн тус тоглолтын тасалбарыг TICKET.mn сайтаар ЭНД ДАРЖ шууд захиалах боломжтой бөгөөд 1900-1800 дугаараар захиалан үнэгүй хүргүүлээрэй. Мөн дэлгэрэнгүй мэдээллийг 91945501 дугаараас лавлаарай.
