Соёлын өвийг хамгаалах тухай хуулийн 26 зүйлийн 26.1 дэх заалт, Боловсрол, Соёл, Шинжлэх ухаан, Спортын сайдын 2018 оны А/648 дугаар тушаал, Нийслэлийн Засаг даргын 2018 оны А/1153 дугаар захирамжийн дагуу Түүх, соёлын хөдлөх дурсгалт зүйлийн Улсын тооллогыг нийслэлийн нутаг дэвсгэрт зохион байгуулж байна.
Нийслэлийн Соёл, урлагийн газрын даргын 2019 оны А/05 дугаар тушаалаар батлагдсан салбар ажлын хэсэг 2019 оны 01 дүгээр сарын 22, 25-ны өдрүүдэд Налайх, Багануур дүүргүүдийн Соёлын ордны Орон нутаг судлах танхимын түүх, соёлын хөдлөх дурсгалт зүйлийн тооллогын ажлын явцтай танилцаж мэдээлэл, арга зүйн зөвлөгөө өгч ажиллаа.
