Дүрслэх урлагийн салбарт хөл тавьж яваа авьяаслаг, бүтээлч оюутнуудынхаа дунд жил бүрийн хавар “ШИЛДЭГ БҮТЭЭЛ – 2019” уран бүтээлийн уралдаан зохион байгуулдаг билээ. Энэ жил 100 гаруй оюутны 150 гаруй бүтээлээр “Norphei” арт галерейд үзэсгэлэн гарч, шилдгүүдийг тодрууллаа.
“Шилдэг бүтээл”-2019 уралдаант үзэсгэлэнгээс “Гран при” шагнал буюу СУИС-ийн захирал доктор, профессор Э.Сонинтогос, Д.Амгалангийн нэрэмжит ДДУС-ийн захирал доктор, дэд профессор Д.Уранчимэгийн нэрэмжит шагналыг
- Зураасан зургийн 3-р курсийн оюутан О.Цэнгүүн “ Анхны цас” өнгөт модон бар,
- Уран дархны 2-р курсийн оюутан О.Цэнгүн “Зүүдлэгч” зэс хөөмлийн бүтээлээрээ гардан авлаа.
Жил бүрийн “Шилдэг бүтээл” уралдаант үзэсгэлэнгээс “Гран при” шагнал гардан авсан оюутнуудаа аль нэг улс орны урлагийн ертөнцөөр аялуулах давхар боломжийг олгодгоороо энэхүү шагналын үнэ цэнэ, ач холбогдлыг тодорхойлж болно.
Өнгөрсөн жилүүдэд буюу 2016-2017 оны “Гран При” шагналын эзнээр О.Энхтайван багштай уран зургийн ангийн оюутан Мөнхтулга, Д.Ядамсүрэн багштай уран баримлын ангийн оюутан Э.Билгүүнтөгс, С.Ганболд багштай уран зургийн ангийн оюутан С.Энхбилэг тодорсон ба БНХАУ-ын ӨМӨЗО-ны Хөх хотоор аялуулан Хөх хотын Урлагийн сургууль болон музей галерейнуудаар аялуулсан. 2017-2018 оны шилдэг бүтээлийн “Гран при” шагналыг С.Бадрал багштай уран баримлын 3-р курсийн оюутан Б.Энхбаяр, Г.Амгаланбаатар багштай монументаль уран зургийн 2-р курсийн оюутан Ж.Наранзул нар хүртсэн бөгөөд ОХУ-ын Буриад улсын нийслэл Улан-Үдэ хотын Урчуудын эвлэл, үзэсгэлэн, галерей болон нэртэй зураачдын урлангаар зочилсон билээ.
Уралдаан нь оюутнуудын бие даах чадварыг сайжруулах, уран бүтээлч сэтгэлгээг хөгжүүлэх, өөрийгөө илэрхийлэх чадварт эергээр нөлөөлөх, "Бүтээлч-оюутан” гэсэн үзэл санааг төлөвшүүлэх зорилготой. Энэ хичээлийн жилд тус уралдаан 1-2-р курс, 3-4-р курсийн оюутнуудын дунд сургалтын заах арга зүйн суурь болсон “Зохиомж”, “Хар зураг”, “Уран зураг” хөтөлбөрийн хүрээнд уран зураг, монгол зураг, зураасан зураг, монументаль уран зураг, уран баримал, уран дархан, уран сийлбэр, чимэглэх урлаг, арьсан урлаг, график дизайн мэргэжлийн бүтээлүүд шалгаруулалтад ирсэн.
“ШИЛДЭГ БҮТЭЭЛ – 2019” уран бүтээлийн уралдааны шилдгүүд:
- 1-2-р курсийн оюутнуудын дунд “Зохиомж”хөтөлбөрийн хүрээнд 1-р байрыг уран зургийн 1-б курсийн оюутан Б.Батхуяг “Чимээгүй дуу”цуврал бүтээлээр, 2-р байрыг керамикийн 2-р курсийн оюутан Х.Төгөлдөр “Codex” бүтээлээр, 3-р байрыг Монументаль уран зургийн 1-р курсийн оюутан Ихэрцэцэг
- 1-2-р курсийн “Хар зураг” хөтөлбөрийн хүрээнд 1-р байрыг монгол зургийн 2-р курсийн Н.Гончигсумлаа, 2-р байрыг уран зургийн 2-р курсийн Б.Базарсад, 3-р байрыг уран сийлбэрийн 2-р курсийн Б.Энхмөнх,
- 1-2-р курсийн уран зураг хөтөлбөрөөр 1-р байрыг Л.Хэрлэнтуул, 2-р байрыг уран зургийн 2-р курсийн Б.Одгэрэл, 3-р байрыг монументаль уран зургийн 2-р курсийн Т.Тэргэл нар тус тус хүртлээ.
- 3-4-р курсийн “Зохиомж” хөтөлбөрийн хүрээнд 1-р байрыг зураасан зургийн 3-р курсийн Б.Байгаль “Охин” өнгөт модон бар, 2-р байрыг уран баримлын 4-р курсийн Б.Пүрэвдорж “Гурван цаг”, 3-р байрыг чимэглэх урлагийн 3-р курсийн оюутан Т.Чимэдрэгзэн “Тууль хайлах цагаар” бүтээлээр,
- 3-4-р курсийн “Хар зураг” хөтөлбөрийн хүрээнд 1-р байр уран зургийн 4-р курсийн оюутан Э.Ананд, 2-р байрыг монументаль уран зургийн 3-р курсийн оюутан Э.Хүслэн, 3-р байрыг зураасан зургийн 3-р курсийн оюутан Х.Хасар,
- 3-4-р курсийн “Уран зураг” хөтөлбөрийн хүрээнд 1-р байр уран зургийн 4-р курсийн оюутан Э.Ананд, 2-р байрыг -р байрыг монументаль уран зургийн 3-р курсийн оюутан Э.Хүслэн, 3-р байрыг уран зургийн 3-р курсийн оюутан Б.Төгсбуян нар тус тус эзэллээ.
Жилээс жилд оюутнуудын идэвх, оролдлого, бүтээлч сэтгэлгээний цар хүрээ, уран бүтээлдээ хандах хандлагад өөрчлөлт орж байгаа нь уралдаанд ирж буй оюутнуудын ажлуудаас тодорхой харагдаж байгаа бөгөөд уралдааны ач холбогдлыг өсгөсөөр байна. Авьяаслаг оюутнууддаа баяр хүргэж, цаашдын уран бүтээлд нь амжилт хүсье.
Уран бүтээлч оюутан, залуусыг дэмжин ажиллаж “Шилдэг бүтээл 2019” уралдаант үзэсгэлэнг амжилттай зохион байгуулахад гар бие оролцож байгаа “Norphei” арт галерейн хамт олонд гүн талархал илэрхийлье. Уралдааны үзэсгэлэн 2019 оны 4 дүгээр сарын 21 хүртэл гарах болно. Уншигч та бүхнийг монголын ирээдүйн дүрслэх урлагийн төлөөлөл болсон оюутан залуусын уран бүтээлээр мэлмийгээ мялаан төгс мэдрэмж, сэтгэлийн цэнгэл эдлэн морилон саатахыг урьж байна.
