Жил бүрийн наадмын нээлтийг наадамчин олон тэсч ядан хүлээж ардын болон орчин үеийн урлагийн хөгжлөө бахдан сайшаадаг уламжлалтай. Наадмаас илүү наадмын нээлт, хаалтын тоглолт, наадмын хуушуур хамгийн эрэлт ихтэй гэж ойлгож болно. Монгол төрийн наадмын тоглолтыг олон удаа найруулж байсан С.Сүхбаатар ойрд даралт нь ихдэж, уур бухимдлаар дүүрэн яваа ажээ.
Учир нь, энэ жилийн наадмын нээлтийн арга хэмжээ түүнд огтхон ч таалагдаагүй гэнэ. 5000 мянган хүний бүрэлдэхүүнтэй зохион байгуулж, монгол цэргийн сүр хүчийг харуулсан үзүүлбэрээсээ эхлээд түүний найруулсан их ойн жилийн наадам хамгаас сайхан байсан юм байх.
Харин энэ жил ганц мянга хүрэхгүй хүмүүсийг хамруулж үнэхээрийн “жул” нээлт хийж урлагийн байгууллагыг шившиг болголоо хэмээн халаглаж, уулзсан хүн бүртээ энэ талаар ярьж явна. Нэг бодоход үнэн ч юм шиг, нөгөө талаар бодвол сонгууль гээд урлаг, улс төргүй хошуурчихсан хойгуур наадмын нээлтийг энэ түвшинд хийсэн нь их юм гэсэн үгийг ч хэлмээр. За ямартаа ч С.Сүхбаатар хийгээд түүний ойр дотны хүмүүс наадмын нээлтэнд сэтгэл дундуур байгаагаа хаа сайгүй илэрхийлж явна. Зарим хүмүүс түүнийг хөгшрөх тусам хүүхэд шиг тунирхуу болоо юу даа хэмээн тохуурхсан гэнэ.
П.Сүндэр
