Канадын дуучин Жастин Бибер, эхнэр Хэйли Бибер нар гэрлэсний найман жилийн ойгоо тэмдэглэж, хайртай ханьдаа зориулсан сэтгэл хөдөлгөм мэндчилгээ нийтэлжээ.
Жастин энэ өдрийг тохиолдуулан Хэйлитэй хамт авахуулсан гэрэл зургууд болон дурсамжуудаасаа хуваалцаж, “Найман жилээс хязгааргүй үргэлжлэл рүү” хэмээн бичсэн байна. Түүний энэхүү мессеж нь хосын харилцаа цаашид ч үргэлжилнэ гэсэн бэлгэдэлтэй байжээ.
View this post on Instagram
Жастин, Хэйли нар 2018 оны есдүгээр сарын 13-нд Нью-Йоркийн шүүхийн байранд гэрлэлтээ албан ёсоор бүртгүүлсэн бөгөөд жилийн дараа Өмнөд Каролинад гэр бүл, найз нөхдийнхөө хүрээнд хуримаа хийсэн юм.
Хос хоёр 2024 онд анхны хүүхэд болох Жак Блюз Бибер хүүгээ өлгийдөн авсан бөгөөд түүнээс хойш гэр бүлийн амьдралынхаа мөчүүдийг олон нийтийн сүлжээгээр үе үе хуваалцсаар ирсэн байна.
Жастин Бибер, Хэйли Бибер нарын харилцаа олон жилийн турш дэлхийн хэвлэл мэдээллийн анхаарлын төвд байсаар ирсэн бөгөөд энэ удаагийн найман жилийн ойн мэндчилгээ нь тэдний гэр бүлийн амьдралын нэгэн чухал үйл явдал боллоо.
