Нийслэлийн зах дэлгүүрүүдэд худалдалагдаж байгаа хүнсний гол нэрийн барааны үнийг дүнгээр нь өмнөх сарын дундаж үнэтэй харьцуулахад 2.1 хувь, 7-р сарын 4-нийхтой харьцуулахад 1.3 хувиар өссөн байна.
Махны дундаж үнэ өчигдрийн байдлаар 6-р сарын дундаж үнэтэй харьцуулахад үхрийн махны үнэ 0.1-0.5 хувь, адууны махны үнэ 0.4 хувь, ямааны махны үнэ 1.9 хувь, хонины /ястай/ махны үнэ 7.1 хувиар тус тус өссөн байна.
7-р сарын 4-ний үнэтэй харьцуулахад үхрийн /ястай/ махны үнэ тогтвортой, харин хонины /ястай/ махны үнэ 2.5 хувь өсч, үхрийн цул махны үнэ 0.7 хувь, адууны махны үнэ 0.2 хувь, ямааны махны үнэ 0.4 хувиар буурчээ.
1 кг хонины /ястай/ махны үнэ дунджаар 7686 төгрөг, хонины цул мах 7686 төгрөг, үхрийн /ястай/ мах 8189 төгрөг, үхрийн цул мах 9344 төгрөг, ямааны мах 5925 төгрөг, адууны мах 6486 төгрөгийн үнэтэй байлаа.
Гурилын үнэ өмнөх 6-р сарын дундаж үнэтэй харьцуулахад “Алтан тариа” ХК-ны задгай 1-р зэргийн гурил 2.3 хувь, савласан дээд гурил 1.7 хувиар өссөн байна. 7-р сарын 4-ний дундаж үнэтэй харьцуулахад “Алтан тариа” ХК-ны задгай 1-р зэргийн гурил 1.6 хувь, савласан дээд гурилын үнэ 0.7 хувиар өсчээ. Будаа элсэн чихрийн дундаж үнэ өмнөх 6-р сарын үнэтэй болон 7-р сарын 4-нийхтой харьцуулахад тогтвортой байна. Цагаан будааны үнийг өмнөх 6-р сарын дундаж үнэтэй харьцуулахад 0.2 хувь, 7-р сарын 4-нийхтой харьцуулахад 0.6 хувиар буурсан байна
Г.Туяа
