"Spice Girls" хамтлагийнхан эргэн нэгдлээ гэсэн мэдээлэл хэдэн сарын өмнөхөн олныг баярлуулсан. Үнэхээр 1990-ээд онд ид нэрд гарч байсан охидын хамтлагийн гишүүд болох Victoria Beckham, Melanie Brown, Emma Bunton, Melanie Chisholm болон Geri Halliwell нар "Viva Forever" нэртэй шинэ мюзиклд тоглох гэж буйгаа олонд зарласан. Тэгвэл
тус жүжгийн Женнифер Саундерсийн бичсэн мюзиклийн продюсерийн үүргийг Аббагийн алдарт "Мамма Миа" мюзикл дээр ажилласан Жүди Крэймер гүйцэтгэж байгаа бөгөөд найруулагчаар Пол Гаррингтон ажиллаж байгаа ажээ. Мюзиклийн нээлт Лондон хотын Пикадилли театрд ирэх 12-р сарын 11-нд болох гэнэ. Мюзиклийн үеэр Spice Girls хамтлагийн хит дуунууд дуулагдах юм.
"Spice Girls" хамтлаг дэлхий даяар 75 сая хувь цомог борлуулж, цагтаа шуугиулж байсан хамтлаг гэдгийг хэн хүнгүй мэднэ. Хамтлагийн гишүүд 1997 онд Spiceworld нэртэй кинонд тоглож байсан юм.Тэд 2000 онд тус тусын замыг хөөх болсон ч долоон жилийн дараа хамтран аялан тоглолт хийж байжээ.
