Тун саяхан чимээ шуугиантайгаар тайзан дээрээ эргэн ирсэн дуучин Бритни Спирс өөртөө урьдын сэтгэл санааны тайван байдлаа эргүүлж авчирсан байна. Хэрэв өмнө нь дуучин бүсгүй сэтгэл санааны хүндхэн байдлаас болж асуудалд орж байсан бол одоо урьдын хэвэндээ орж, амьдралын баяр баясгаланг жинхэнэ утгаар нь амталж буй аж.Түүнээс гадна Бритни биеийн хэлбэр галбираа нөхөн сэргээсэн болохоо илэрхийлж, интернэтэд усны хувцас өмссөн гоёмсог зургаа тавьжээ.
Өдгөө 30 настай дуучин бүсгүй олдсон жаахан амралтаа зугаатай өнгөрүүлэхээр хоёр хүүгээ авч, найз залуу Жэйсон Травикийг дагуулаад Хавайн арлуудыг зорьсон байна. Бритни бие галбираараа гайхуулахыг хүссэн тул хөх өнгийн усны хувцастай гэрэл зургаа твиттер дэх хуудсандаа байрлуулав.
Сэтгэл гутралын байдалд орсон үедээ өөрийгөө зөнд нь хаяж, зөвхөн пончик идэж, кола ууж байсан тэрээр асар богино хугацаанд бие галбираа хэвэнд нь оруулж дөнгөжээ.
Хэрэв өмнө нь тоглолтууд дээр Бритни үзэгчдийг бэлхүүс орчмын нугалам, харвингаараа айлгаж байсан бол одоо Спирст ичиж зовох зүйл үгүй болсон аж. Гэрэл зургуудыг харвал од бүсгүйн бэлхүүс өв тэгш болсноос гадна биеийн галбир нь өмнөхөөсөө илүү гоё харагдаж буй нь тодорхой болно. Урлагт эргэн хөл тавьсан өдрөөсөө хойш Бритни өдөр бүр биеийн галбир сайжруулах дасгал, сургуулилт хийж байгаагаас гадна хоолны чанга дэглэм барьж байгаа аж. Тиймээс ийм асар богино хугацаанд өөрийгөө урьдын хэвэнд нь оруулсан болов уу.
www.wikimon.mn
