“Ле Фигаро” сониныхны явуулсан судалгаагаар Дэвид Бекхэмийн гэргий Виктория Бекхэм хамгийн хүйтэн хөндий харцтай ээжээр шалгарсан байна.
Санал асуулгад оролцсон 32.4 мянган хүний 25 мянга нь Викторияг энэ жагсаалтыг тэргүүлэх ёстой гэж үзсэн саналаа өгсөн бололтой. Тус сонины судалгааны багийн зохион байгуулагч Мишель Флат “Виктория Бекхэм магадгүй хүйтэн цаг ууртай газраас ирсэн юм шиг харцтай. Түүний нүүр будалт нь хүртэл үүнийг нь тод илэрхийлдэг. Тэр Их Британийн охидын хамтлагт байхаасаа л секси бүсгүйчүүдийн жагсаалтад багтдаггүй байсан. Лондон, Парис, Миланы гудамжаар түүний зурагтай зар сурталчилгааны самбарууд байдаг ч гэлээ хүмүүс түүнийг хараад Дэвидийн эхнэр байна шүү дээ гэж л ярьдаг. Түүнээс биш хэн ч түүнийг дур булаам, сэтгэл татам, сайхан бүсгүй гэж хэлэх нь ховор” гэжээ. Мөн тэрээр хаана ч явсан ихэмсэг, хүйтэн хөндий, барагтай л бол инээдэгүй байдал нь дээрхи “алдар”-ыг авахад нөлөөлсөн болов уу.
