Монголын загварын салбарыг олон улсын тавцанд гаргаж ирнэ хэмээн шуугиан тарьж хүлээлт үүсгээд байгаа Fashion Channel 8-р сарын 10-ны өдөр Улаанбаатар хотын Sky resort-д сүр дуулиантайгаар нээлтээ хийх гэж байна. Энэхүү телевизийн нээлтэд алдарт дуучин Lady Gaga ирж магадгүй талаар “Fashion channel”-ийн зохион байгуулагчид мэдээллээ.
Тэдний мэдээлж буйгаар “Монголчууд олон улсруу чиглэсэн үйл ажиллагаа бүхий өөрсдийн гэсэн загварын сувгаа нүүр бардам угтаж авах цаг мөч ирлээ. Монгол дах цацалтаа Монголын хамгийн шилдэг үйлчилгээтэй Univision, Sky Media кабелийн сувгуудаар HD-ээр цацна” гэв.
Дашрамд өгүүлэхэд, энэ сарын 25-нд “Fashion channel”-ийн зохион байгуулагчид Сингапурт ээлжит хэвлэлийн бага хурлаа хийх үеэрээ Lady Gaga-ийн мэдээллийг дэлгэрэнгүй өгөх юм байна.
Б.Дэжид
