“Харуй бүрий” киноны од жүжигчин Роберт Паттинсон “Black Book” сэтгүүлд зургаа нийтлүүлжээ. Кино од болсноосоо хойш бүсгүйчүүдийн зүрх сэтгэлийг эзэмдсэн залуу жүжигчин хоёр гартаа шивээс хийлгэсэн байна. Энэ нь гэхдээ зөвхөн сэтгүүлд зориулсан аж.
Их Британийн жүжигчин тус сэтгүүлд өгсөн ярилцлагадаа өөрийнхөө өмнөх амьдрал болоод бодож явдаг зүйлсээ ярьсан байна.
Роберт Паттинсон “Би таван жилийн өмнө анх автомашин худалдаж авч байсан. Гэхдээ энэ нь 1989 оны BMW юм. “Craigslist” худалдааны төвөөс 1000 ам.доллараар авч байлаа. Энэ бол миний хувьд маш их мөнгө зарж, сэтгэлд нийцсэн автомашинаа худалдаж авсан явдал байв. Энэ автомашин одоо хүртэл надад байдаг” гэжээ.
Хэвлэлүүдийн хараанд үргэлж байдаг 26 настай жүжигчин залуу шар хэвлэлүүдийн тухай ярихдаа “Хүмүүс чамайг элдвээр шоглодог. Чи тэнэг зүйл хэлснээр энэ бүхэн үнэхээр идэвхждэг. Гэхдээ хүмүүс бие биенээ эрүүлээр “хатгах” ёстой болов уу” гэжээ.
