Монгол Улсын Гавъяат Тамирчин, Мэргэжлийн боксчин Ч.Цэвээнпүрэв өөрийн эх орондоо WBO холбооны аваргын төлөө Филиппин улсын боксчин Марк Жил Мэлигэнтэй 12 үе өрсөлдөх гэрээг Дэлхийн мэргэжлийн боксын шилдэг холбоо WBO-World Boxing Organization- тай байгуулаад байна.
1996 оноос мэргэжлийн бокст хөл тавьсан гавъяат маань WBF, WBU, WBC-холбоодын аваргын бүсийг өөрийн болгоод байгаа бөгөөд WBO- холбооны аваргын төлөөх тулаанаа өөрийн эх орондоо хийх болсоноо ийнхүү мэдэгдлээ.
Түүний өрсөлдөгч 1987 онд төрсөн, солгой өрдөг, нийт мэргэжлийн рингэнд 20 удаа тулалдаж 15 удаа ялалт байгуулж, 6 удаа өрсөлдөгчөө КО-гоор буюу хүнд цохилтоор ялсан тамирчин ажээ.
Тулаан ирэх 8-р сарын 25 -нд Улаанбаатар хотноо болно.
