Гвен Стефани тэргүүтэй “No Doubt” хамтлагийнхан өчигдөр болсон “Teeh choice awards-2012” шагнал гардуулах ёслолын үеэр өөрсдийн шинэ дуугаараа мэндчилсэн байна. Тэд энэ үеэр “Settle Down” дуугаа дуулжээ.
Энэхүү уран бүтээл нь тэдний есдүгээр сард гаргах “Push and Shove” цомогт багтсан юм. “No Doubt” хамтлагийнхан 2001 онд “Rock Steady” цомгоо гаргаснаас хойш уран бүтээлээ түр хугацаанд завсарласан.
Дуучин Гвен Стефани хэлэхдээ “Бид есдүгээр сарын 25-нд шинэ цомгоо гаргахаар төлөвлөсөн. Шинэ хэмнэл, шинэ мэдрэмжийг фэнүүддээ төрүүлэх болно. Өнгөрсөн хугацаанд манай хамтлагийнхан эргэн нэгдэх тухайгаа сайтар бодсон. 1988 оноос “No Doubt” хамтлагийн нэр дэлхий даяар цуурайтсан. Энэ нэр хүндийг бид дахин авчрах болно” гэжээ.
