МУГЖ Б.Сарантуяаг үзэгчид фэнүүд нь ч тэр, урлагийнхан нь ч тэр шудрага хүн гэж дүгнэдэг юм билээ.Үнэндээ ч түүний хэлж, ярьж байгаа бүхэн хэтэрхий энгийн хэрнээ шулуухан байдаг. Хувийн амьдрал тэр дундаа хайр сэтгэлийн асуудлаараа олны анхаарлыг үргэлж татаж байдаг тэрбээр өнөөдрийг хүртэл нөхөртэй болоогүй шалтгаанаа “Би хэтэрхий уйдамтгай. Нэг хүнтэй удаан байж чаддаггүй” хэмээн хээв нэг хэлчихдэг. Хаа ч явсан хэний ч өмнө хэлье гэснээ хэлчихдэг гавъяат маань саяханы нэгэн нэвтрүүлэгээр өөрийгөө хамгийн шудрага бөгөөд хамгийн шуналгүй хүн хэмээн тодорхойлжээ. Тэрбээр энэ тухай “Би ямар ч шуналгүй хүн. Нэг үгээр хэлбэл шуналтай хүн бол бусдын юманд үргэлж нүд унагаж байдаг болохоор өлөн нүдтэй гэдэг. Тэгэхээр би тийм өлөн нүдтэй хүн биш” хэмээн тайлбарлажээ.
