Монголд хамтлаг болон уран бүтээл туурвидаг залуусын нэгдэл төдийлөн удаан жил насладаггүй. Үүний нэг шалтгаан нь санхүү байдаг ч сүүлийн үед олны хайр хүндлэлийг багагүй хүлээсэн хоёр ч хамтлаг бөөгөөс болж тарахад хүрчээ. Үүний нэг нь “Нэгэн зүгт” хамтлаг. Тус хамтлагийн баргил хоолойтой дуучин Билгээ бөөгийн түшээ болж хамтлагийн ажлаас илүү түшээгийн ажилдаа ач холбогдол өгөх болсноор тус хамтлагийн уран бүтээл одоогоор зогсонги байдалд ороод байгаа ажээ.
Тэгвэл залуусыг байлдан дагуулж дэлгэцийн болон хамтлагийн уран бүтээл давхар туурвиж байсан “Гайс” хамтлагийн тарсан шалтгаан нь бас л бөөгөөс болжээ. Тус хамтлагийн гишүүн Мийгаа бөөгийн онгодоо хүлээн аваад багагүй хугацаа өнгөрсөн бөгөөд энэ чиглэлдээ түлхүү анхаардаг болжээ. Иймд тус хамтлагийнхан өрх тусгаарлахаас өөр аргагүйд хүрсэн юм билээ. Хамтлаг тарсан шалтгаанаа хэлдэггүй ч тарсан нь үнэн болохоо зарласан Гайсын олноос нууцалсан шалтгаан нь бас л бөөгөөс болжээ. Урлагийнхан ийнхүү бөөгийн сүлжээнд нэгдэн орсоор л…
У.Сарнай
