“Warner Bros” компани “The Dark Knight Rises” киноныхоо Япон болон Мексикт хийхээр товлоод байсан улаан хивсний ёслолыг цуцалсан байна. Энэ нь өнгөрсөн баасан гаригт АНУ-ын Колорадо мужийн Аврора дахь “16-р зуун” гэх кино театрт “The Dark Knight Rises” кино гарч байх үеэр гарсан халдлагатай холбоотой аж. Өмнө нь тус компани халдлага гарсны дараахан Парист хийх байсан нээлтийн үйл ажиллагаагаа цуцалсан тухай мэдээлж байв. Өнгөрсөн баасан гаригийн шөнө дундын үед “16-р зуун” кино театрт нүүрэндээ хийн баг зүүсэн этгээд нэвтэрч, “The Dark Knight Rises” киног үзэж байсан хүмүүс рүү гал нээсэн хэрэг гарсан билээ. Үүнээс болж 12 хүн нас барж, 58 хүн гэмтэж бэртсэн юм. Тиймээс тэдгээр нас барсан хүмүүс болон ар гэрийнхнийг хүндэтгэх үүднээс тус компани дээрх шийдвэр гаргасан байна. Түүнчлэн киноны ашиг орлого, амжилтын талаар олон нийтэд мэдээлэхээс татгалзжээ.
Өнгөрөгч баасан гаригт нээлтээ хийсэн тус кино эхний өдрөө 75 сая ам.долларын ашиг олсон байна.
Б.АНХТУЯА
