Одод ба тэдний хүүхдүүд

“Spice Girls” хамтлагийн гишүүн, нэрт загвар зохион бүтээгч Виктория Бекхэм хүү Ромеогийн хамт Парисийн гудамжаар явж байхад нь гэрэл зурагчид ийнхүү олж харжээ. Тэд өнгөрөгч Даваа гаригт Chanel-ийн дээд зэрэглэлийн дэлгүүрийн үүдэнд явж байхдаа ийнхүү дуранд өртсөн байна. Тэрээр өөрийн твиттер хуудсандаа “Loving Paris” хэмээн бичсэн байв.

 

 

2.    Жессика Альба, Кэш Уоррен ба тэдний охид

 

Холливудын үзэсгэлэнт бүсгүйчүүдийн нэг жүжигчин Жессика Альба нөхөр Уоррен, охин Хонор нарын хамт өнгөрөгч Ням гаригт Беверли Хиллсийн дэлгүүрээр хэсчээ. Тэдний дунд паппарацичдын анхаарлыг хамгийн их татсан нэгэн хүн хамт явсан нь бага охин Хэвен байлаа. Тэр одоо дөнгөж 11 сартай.

 

 

3.    Кейт Бекинсэйл ба түүний охин Лили

 

Кейт Бекинсэйлийн охин Лили одоо 13 настай. Тэр их өсгөлүүн биетэй учир тэднийг харсан хүмүүс ээж, охин хоёр гэхээсээ илүү эгч, хоёр шиг харагдаж байлаа. Тэд өнгөрөгч Ням гаригт Лос-Анжелесийн нисэх онгоцны буудал дээр явж байхдаа ийнхүү гэрэл зурагчны дуранд өртсөн юм.

 

 

4.    Минни Драйвр ба түүний буржгар үст бяцхан залуу

 

Ням гаригт жүжигчин Минни Драйвр бяцхан хүү Хенригийн хамт Малибу дахь Күгигийн далайн эргийн зуушны газраас гарч явахдаа ийнхүү зургаа авахуулжээ. 4 настай Хенри хүү ээждээ тусалж, тортой зүйлийг нь барин машин руу алхаж байгаа нь энэ юм.

 

 

5.    Крис Хемсворт эхнэр, охины хамт

 

Холливудын нэрт жүжигчин Крис Хемсворт өнгөрөгч Бямба гаригт эхнэр Эльза Пэтаки болон хоёр сартай бяцхан охин Индиягийн хамт Венецийн далайн эрэгт зугаалж явсан юм. Залуу жүжигчин маань Ням гаригийн үдэш “Teen Choice Awards 2012”-оос “The Avengers” киноны дүрээрээ Шилдэг кино жүжигчин шагналыг хүртсэн билээ.