Холливудын поп дива Мариан Кэрри “Америкийн шүтээн”-ий шинэ шүүгчээр ажиллах болсныг “Фокс” телевиз олонд зарлалаа. Хоёр жилийн турш уран бүтээлээсээ холдож, гэр бүлтэйгээ ойр байсан тэрбээр хоёр ихэр хүүхэд төрүүлж фэнүүддээ “бэлэг” барьсан билээ. Харин тэрбээр дахин хөгжмийн ертөнцөд хөл тавьж байна. Гэхдээ тайзан дээрээс олонд ая дуугаа өргөх бус ширээний ард шүүгчийн байр сууринаас залуу дуучдын од болох замыг нь засах гэнэ. Мариан Кэрри “Би Америк мөрөөдөлд дурлагсдын том туслах байна гэдэгтээ итгэж байна. Гэхдээ надад энэ талаар хангалттай туршлага байхгүйг бүгд мэдэж байгаа ч өөрийнхөө чадах бүхнийг гаргана” гэжээ.
Одоогоор “Америкийн шүтээн” нэвтрүүлэгт Стевен Тайлор, Женнифер Лопес зэрэг алдартнууд шүүгчийн суудалд данстай буй.
